Аливаа түүх үргэлж эхлэлтэй байдаг шүү дээ. Анх 4,5-хан тамирчинтай эхэлж байсан
2020 оноос эхлэн тасралтгүй жил бүр
Baki Cup Championship тэмцээнийг зохион байгуулж тамирчдын ур чадварыг сайжруулж үнэлсээр байгаа билээ.
2024 он буюу 4-дахь жилдээ уламжлал болон зохиосон Baki Cup-д өмнөх жилүүдээс тамирчдын тоо нэмэгдэж эрчүүд түлхүү тоглодог байсан бол эмэгтэй тамирчид нэмэгдсээр байна. Нэн таатай мэдээ нь хамгийн залуу 12-15 насны тамирчид хүч түрэн орж ирж маш сайн амжилт үзүүлсэн явдал юм. Манай Baki Cup-ийн хамгийн гол зорилго нь гольфийн спортыг анхлан суралцаж буй тамирчдад энэ спортын давуу тал хийгээд дэлхийд хэрхэн үнэлэгдэж буй тэр дундаа өсвөр залуу үеийнхэн түлхүү тоглож цаашлаад их сургуулиудын тэтгэлэгт хөтөлбөрт хамрагдаж түүнчлэн эх орныхоо нэрийг дуурсгаж дэлхийн шилдэг тамирчидтай өрсөлдөх том амбийцтай билээ.
Бид 2023 оноос эхлэн жилийн дөрвөн улирал харгалзахгүйгээр хайртай спортоороо хичээллэж болох Screen golf-ийг нээсэн. Одоогоор бага насны 12 сурагч ОУ-ын хэмжээний мастер, Монгол улсын 2 удаагийн гольфийн аварга О.Оюунболд, Н.Эрхэмбаяр багш нарын удирдлага дор ур чадвараа ахиулсаар байна.
Baki Cup-ийн тамирчид жилийн турш дасгал сургуулилт хийж нөхөрсөг тэмцээнүүдийг тасралтгүй зохион байгуулдаг билээ.
Жил болгоны намар зохион явуулдаг Baki Cup тэмцээнд АНУ-ийн бүх мужууд болон Монголоос оролцох сонирхолтой бүх төвшний тамирчдад нээлттэй байдаг.
АНУ-д гольфийн спорт сонирхон тоглож байгаа тамирчдын дийлэнх нь Чикаго хот орчимд ажиллаж амьдардаг билээ. Эдгээр хүмүүсийн ихэнхийг нь Baki Cup-ийн санаачлагч Б.Эрдэнэбаатар буюу Баки, гольфийн спорт руу хөтлөн оруулсан байдаг. Тиймдээ ч түүнийг найзууд нь ИХ БАГШ хэмээн дууддаг билээ.

Түүнчлэн АНУ-д ур чадвараа ахиулж яваа тамирчдын хувьд монголын гольфийн холбооны АНУ-д зохиодог нөхөрсөг тоглолтуудад оролцож харилцан суралцаж амжилтаа ахиулах туйлын таатай байдаг.